हान्यो र भाग्यो !

धेरै पहिला सुनेको थिए , अमेरिका मा त एउटा गाडिले पार्किङ लट मा पनि अर्को गाडिलाई हान्यो भने , त्यो अर्को गाडिको संवन्धित ब्यक्ति नआईञ्जेल सम्म , आफ्नो गल्ति स्विकार्न र त्यो बराबर को क्षतिपुर्ति, आफ्नो ईन्सुरेन्स कम्पनी बाट दिलाउन पर्खैर बस्छन रे ! तर आज त्यस्तो भएन् । बेलुकि को ७ बजिसकेको थियो, म एक्लै मेरो कार चलाएर नजिकैको मल मा गैराखेको थिए । ट्राफिक लाईट को रातो बत्ति बलेको ले मैले आफ्नो गाडि रोकेको थिए , त्यहि बेलामा पछाडि बाट मेरो गाडिमा ठुलो धक्का दिदै अर्को गाडिले हान्यो ।

Driver side Rear View                                   Passenger Side Rear View
धन्न मैले सिट बेल्ट बादेको थिए , मेरो आफ्नो सारिरीक क्षति हुन त पाएन तर गाडि को पछाडि पट्टि को बंम्पर , लाईट र डिक्कि चाहि चट बनाईदियो, मोराले !

त्यसले हान्ने बित्तिकै म झर्नु पर्ने रहेछ, तर म गाडि बाट झरिन बरु उल्टो लाईट पास गरेर अगाडि खुला ठाउमा उ संग कुरा गरौंला भन्ने सोझो सोचाईले लाईट पास भएर गए, तर उ त बेईमान निस्कियो , त्यो लाईट बाट नै देब्रे मोडेर ,मलाई छोडेर भाग्यो । म त उ मेरो पछि आउला भनेको त कहा आउनु नि , भागि हाल्यो नि । जब त्यो गाडि ले मलाई हान्यो नि मेरो त होस हवास नै उड्यो । मैले त केहि सोच्नै सकिन । गाडि लाई त्यहि बिच लाईट मै ओर्लेर कम्सेकम उसको नंबर प्लेट लिन पाएको भए पनि हुने थियो , त्यो पनि सकिन । भनिन्छ नि चाहिने बेला बुद्दि सौंचालय जान्छ रे, आज मेरो बुद्दि त्यो बेला सौचालय गएछ क्यारे , त्यति बेला ओर्लेर नंबर पनि टिप्न सकिन । बेईमानि मोरो ! त्यसको त सत्यानास होस ! लौं ! मैले किन गालि गरेको होला त्यसलाई, त्यसको सत्यानास भएर मैले के पाउने ! त्यसको सत्यानास नहोस बरु त्यो ब्यक्ति पुलिस को कब्जा मा परोस र सहि सझाय भोगोस, यसो भने ठिक होला है ! , अनि मेरो क्षतिपुर्ति तिरोस। मैले आफैले खर्च गरे भने त कम्ति मा पनि ४५०० डलर लाग्छ । मोरो बज्जिया ! त्यस लाई मेरो गाडिमा ठोक्न भन्दा पहिला कालले लान नसकेको ! म पनि कहा हिढेको मान्छे , एक्जिट छुटेकोले कहा पुगेर गाडि कुच्याउन पुगे !

अनि के भयो त ? त्यस पछि मैले के गरे त ?

के गर्न सक्थे र मैले , नाईन वन वन (९११) ईमर्जेन्सि डाएल गरे ! उता बाट पहिलो रेस्पोन्स स्वरुप , "तपाई लाई कस्तो छ ?"," एम्बुलेन्स चाहिन्छ?" , "गाडि अवस्था कस्तो छ ?"," तपाईलाई सब ठिक छ ?"," कहि त चोट पटक लागेन ?" आदि प्रस्न को जवाफ सकिसके पछि मात्र मैले मेरो बृस्तित बिवरण पेश गरे ! एक छिन मा प्रहरी अधिकृत म भएको ठाउमा आउने सुचना दिदै मलाई नआत्तिकन पर्खैर गाडि भित्रै बस्न आग्रह गरियो । म गाडि भित्र बसि रहे केवल आफ्नो मु्र्खतालाई गिज्याउदै ! करिब २ मिनेट भित्र प्रहरी अधिकृत मेरो गाडि भएको ठाउमा आई पुगे ! र मेरो फेरी बयान लिए र एउटा दर्ता प्रकृया पुरा गरे !

के अब त्यसो भए मेरो गाडि ठोक्ने मानिस भेटिन्छ त ?
यस को जवाफ कोहि संग पनि छैन ! त्यो गाडि को पहिचान हुने सार्है न्युन संभावना छ । पत्ता लाग्न को लागि कि म संग उसको लाईसेन्स प्लेट नंबर हुनु पर्ने रहेछ , जुन म संग छैन । दोश्रो , कि कसैले ९११ मा कम्पलेन गरेर त्यो गाडि को नंबर बताईदिनु पर्ने रहेछ, अहिले संम्म त कसैले पनि गरेको छैन रे । तेश्रो, म ईन्जुअर्ड भयको भय उनि हरु ले बिशेष अनुसन्धान सुरु गर्ने रहेछन , जसमा ट्राफीक लाईट को भिडियो हेरेर त्यसको प्रोसेसिंग गरिने रहेछ । यी माथिका ३ मध्य कुनै पनि, म मा लागु नहुने भयो , अब पर्यो फर्साद । तर पनि पुलिस ले निगरानि त राखिराख्ने छ रे । लौंन हजुर तपाई हरुले पनि मेरो लागि प्राथना गरिदिनुहोस न ! कतै त्यो बदमास फेला परिहाल्छ कि । जमाना त बदमास को पो त रहेछ । मेरो ब्यवहार बाट फाईदा लिनेहरु धेरै भए । अब अलि बदमास र कडा बन्नु पर्ला जस्तो छ !

लौ हजुर मेरो गुनगुन पस्के, अब तपाई हरुको कामना नै मेरो समाधान को औषधी हुन सक्छ !
केहि प्रगति भयो भने तपाई हरुलाई यहि ब्लग बाट नै जानकारी दिने छु ! ब्लग को फाईदा नै यहि छ , तपाई आफ्नो कुरा, सबै संग बाढ्न पाउनु हुन्छ । अहिले म केवल त्यो प्रहरीले दिएको दर्ता नं हेरेर टोलाई रहेको छु , एउटै कामना सहित , मैले न्याय पाउनै पर्छ र त्यो बदमास् ले सझाय पाउनै पर्छ !

अन्त्यमा जादा जादै , तपाई कहिल्यै पनि आफ्नो सवारी साधनकको सिट बेल्ट बाध्न नछुटाउनु होला, सवारी हाकेको बेलामा, फोन मा कुरा पनि कमै गर्नुहोला ! यसले धेरै सहयोग गर्छ !

धन्यबाद, तपाईको यो समय को लागी
~सपानसंसार
यो प्रस्तुती को मु्ल्यांङ्कन गर्नुहोस!:

You can see a thread on this post on sajha. Click here to go to the thread.