मृत्यु नै डराएर भागेको छ ।

हे! मृत्यु संग रमाउन खोज्ने, म माथिका यमराज हरु हो !
किन आज आफैँ डराएर पर भाग्दै छौ ?
आज मलाई एउटा मृत्यु चाहिएको छ ।
आज म मा कम्पन छैन,
भय त कत्ति पनि छैन ।
तर आज मेरो बर्बादी,
आफैँ मर्न खोज्दा
मृत्यु नै डराएर भागेको छ ।

हिजो जीवन को लागी कँयौ छल हरु छलेँ
कंयौ को बलिदान त्याग्दै नसामै बलेँ
सफल जीवन भन्दै झुटो वाचा बादेर हिडेँ ,
सधै राम्रै राम्रै मात्र रोज्न खोजेँ ,
डराउथे कतै मेरो संसार नासिन्छ कि भनेर !
तर आज मेरो बर्बादी,
आफ्नो संसार आफैँ नास्न खोज्दा
मृत्यु नै डराएर भागेको छ ।

मैले धेरै युद्द लडेँ र जितेँ पनि
किनकि मं ससश्त्र थिए तर उनि हरु निसश्त्र थिएँ !
मेरो ससश्त्र रुपले कयौ मृत्यु हरुलाई ढालेको थिएँ ,
तर आज म निसस्त्र छु तैपनि
तर आज मेरो बर्बादी,
आफैँ ढालिन खोज्दा
मृत्यु नै डराएर भागेको छ ।


मेरो साथ पछि लाग्ने मेरा पुच्छर हरु
आफुलाई टाउको भनेर दावी गर्ने भएछन्
दुई दिनको लागी के म गलेथेँ
सबै म देखि पर गएछन्
संसार मेरो थियो
मृत्यु मेरो अधिनमा थियो कुनै दिन
तर आज मेरो बर्बादी,
आफैँ मृत्यु को अधिनमा जान खोज्दा
मृत्यु नै डराएर भागेको छ ।


रगतमा रमेको म
आज पानी देखी डर लागेको छ ,
भित्र भित्रै कता कता ब्यथा हरु जागेको छ ।
एउटा अवसान खोजेको छ यो जीवनले
तर आज मेरो बर्बादी,
आफैँ अवसान हुन खोज्दा
मृत्यु नै डराएर भागेको छ ।

सधै अरु लाई चीतामा जलाउदा
उमंगले मात्तिने म !
आज आफ्नै चीतामा जल्ने चाहना हुदा
तर आज मेरो बर्बादी,
आफ्नै अर्ती आफैले चीता मा जलाउन खोज्दा
मृत्यु नै डराएर भागेको छ ।
मृत्यु नै डराएर भागेको छ ।
मृत्यु नै डराएर भागेको छ ।
यो प्रस्तुती को मु्ल्यांङ्कन गर्नुहोस!: