मिलन वगाले क्यामिन – ६, वर्लाची तनहुँ
नागरिक सर्बोच्चताको दुहाई दिदै नेपाली राष्ट्रिय सेनाको चेन अफ कमाण्ड चुडाल्ने र त्यसको लगाम आफ्नो हातमा पार्ने भयानक षडयन्त्रको तानाबानालाई राष्ट्रपतिको कदम एवम् राष्ट्रिय अन्तराष्ट्रिय दवाबले पाता कसेपछि लोकतान्त्रिक नेपालको शक्तिशाली प्रधानमन्त्रिबाट कामचलाउमा झरेका मेरा आदरणीय पुष्पकमलले चाहेको नागरिक सर्बोच्चताको नकाब शक्तिखोरे भिडियोले उतारिदिएको छ।
नागरिक सर्बोच्चतालाई सैन्य शति्कको खोरमा लगेर थुन्ने र देश जनतालाई सर्बसत्ताबादको बन्धक बनाउने कुण्ठित स्वार्थलाई दलाल पुजीपति द्वारा सञ्चालित “ठुला“ मिडियाहरुले प्रसारण तथा प्रकासन गरेपछि माओबादी लोकतन्त्र प्रति साच्चिकै इमान्दार छन् भन्ने ऐठनमा परेका साना ठूला सबै दलहरुको उसँगको मोह भंग भएको छ।
लोकतन्त्रको प्रतिबद्धताबारे हजार माला जपेपनि र नागरिक समाजका अखिल अगुवाहरुलाई राष्ट्रपतिको दैलामा लगेर उफारे पनि कसैले नपत्याई दिएपछि भाले हुने माओबादीको सपना अण्डा नकोरलिदै फुट्न पुगेको छ। युद्धको मोर्चा र रणनितिबाट टसमस नभएका क्रान्तिकारी कमरेडहरुको यो शति्क लिप्साले सग्लो र सङलो जिन्दगी जिउने सपना साचेर बिगत तीन बर्षदेखि खोलको किनार, जंगलको छेउ र बाढीले बढारेको बगरमा थापिएका झुत्रे पालभित्र भेडाबाख्रा झैं थुनिएर बसेका गरिब नेपालीका छोराछोरीको भाग्य र भबिष्य अन्योलमा पर्ला जस्तो छ। शति्कखोरे भिडियोलाई कुबेरको खजाना भेटाएझै एकथरी सेना समायोजन गर्नैहुन्न भनेर सडक तताउदै छन् भने अर्को थरी आगो झोसे पडकीदिने बारुदे भाषा ओकल्दै छन्।
यसरी नागरिक सर्बोच्चताको भाले जुधाई अन्तत लडाई र सैन्य उन्मादको उत्कर्षमा पुग्ने ननिको ल73यण देखा पर्दै छ। सैन्य बलको शति्कलाई नागरिकको खोरभित्र थुनेर शान्तिको धिपधिपे बत्ति जोगाउन सबै थरिको तुफानी अहंकार रोकिनु बाहेकको अरु बिकल्प छ्रैन।
मिलन बगाले
क्यामिन―६, बर्लाची तनहँु
milanbagale@yahoo.com
Excellent Writing !
ReplyDeleteअरुलाई भारतीय दलाल भन्ने प्रचन्डले आफ्नो आङको भैसी चाँही देख्ननु भएनछ । यो कुरा त आँफैले पनि स्वीकार गरी हाल्नु भयो नि त्यो हिन्दी पत्रीकालाई हिन्दी भाषामा अन्तर्वाता दिदा । नेपालका सबै राजनीतिक नेताहरु भारतका टटुहरु हुन आफ्नो दुनो सोझयाउन ।
ReplyDeleteमिलन जी, तपाईंको लेख राम्रो छ । राम्रो नराम्रो जस्तो सुकै कमेन्ट आए पनि लेख्दै जानु होला ।
I totally agree ! Great write up !
ReplyDeleteबुझाई र बिश्बास को कुरा आ- आफ्नै ठाउँ मा छ ----
ReplyDeleteफगत के कमेन्ट गरु यस् अर्थ मा ----
बरु फेरी पनि तपाईंको लेखनशैली को भने प्रसम्शा नगरि बस्नै सकिन !
बिचार त सबैको एकै कहाँ हुन्छ र ! होइन त मिलन जि ?
शक्ती खोर को भिडियो प्र करण लाई अहिले देखाउनु र त्रास श्रीजना गराउनु त मा त्र भ्रम छर्ने काम गर्नु हो । छ रे पनि तर त्यो उम्रिने छैन ----
लौ ! कमेन्ट लेख्दिन भनेको त लेख्नै पुगेछु !
-----------------
एउटा सिपालु इन्जिनियर ले तयार गरेको डिजाइन मार्फत बनेको कलात्मक घर झै लाग्छ तपाईंको लेखन शैली ।
अब अर्को उदाहरण दिएर भन्नु पर्दा सिपालु भान्से ले बनाएको खाना जस्तो ! " थोरै तर चट्ट ! मिठो ! " अनी खाई सके पछी पेट भरिए पनि अल्ली खान पाए हुन्थियो जस्तो लाग्ने स्बाद ले गर्दा --- तपाईंको लेख हरु पनि त्यसती- त्यस्तै छ । एकदम स्बादिलो !
लेखी रहनु होस् ! निरन्तरताको शुभ कामना हिर्दय देखी नै ।
This comment has been removed by a blog administrator.
ReplyDelete