गजल

बसन्त थापा “जीवन”
चन्द्रावती तनहुँ, हाल–अबुधावी, युएई

कालो रातमा उकाली चढेको याद आउँछ।
जिन्दगीको भाग्यरेखा पढेको याद आउँछ।।

रातमा पनि सगरले बगाएथ्यो अश्रुधारा।
अँधेरीमा हिलोमा गढेको याद आउँछ।।

चिप्लो वाटो नौलो ठाउँ बर्षातका पानीमा।
छेउ कुना गर्दा गर्दै लढेको याद आउँछ।।

हर्षित हुँदै गएको रमाइलो त्यो ठाउँमा।
दुःख पाउँदा पीडाले मन डढेको याद आउँछ।।

“सानु”को यादले तड्पीराथ्यो मन मेरो।
मनको कुरा मनैभित्र सढेको याद आउँछ।।

[यो प्रस्तुति कतै पुन प्रकाशित गर्नु परेमा स्रोत खुलाएर वा लेखकको पूर्ण सहमतिमा मात्र प्रकाशित गर्नुहुन अनुरोध छ । -सपनासंसार ]