जिन्दगी

-पवन भण्डारी
जिन्दगी,
,
 लेवाँसको जीउझैँ कम्जोर कम्जोर,
 थकाईले संगै -
यता उता जता लप्काएपनि लप्किने -
पिउँदा बिग्रेको जाँडझैँ टर्रो ;
 तान्दा निम्पत्ताको झोल भन्दा तितो;
खाँदा लप्सीझैँ अमिलो;
मसंग परिभाषा नसोध प्रिय -
तिम्रो पो पर्यो फूल जस्तो;
आफ्नो त,
कहिले -
मोई पारेपछिको नौनी घ्यू जस्तो
 कहिले-
च्यूरा-मासु खाँदा लागेको ढुङ्गो जस्तो !! कहिले महँगो
कहिले अत्ति सस्तो सस्तो
जिन्दगी,
खै कस्तो कस्तो !!!
[यो प्रस्तुति कतै पुन प्रकाशित गर्नु परेमा स्रोत खुलाएर वा लेखकको पूर्ण सहमतिमा मात्र प्रकाशित गर्नुहुन अनुरोध छ । -सपनासंसार ]